My Diary Jan 21st..

اجڑے ہوۓ دل کو بھانے لگے ہیں اداس لوگ۔۔
ٹوٹے ہوۓ دل کو آتے نہیں سدا راس لوگ۔۔۔
خواھشوں کے سمندر میں گھر بنا کر رہتے ہیں۔۔ 
پھر بھی بجھا نہ پاۓ ہیں اپنی پیاس لوگ۔۔

 
دل بھی بجھا ہو شام کی پرچھائیاں بھی ہوں 
مر جائیں ہم جو ایسے میں تنہائیاں بھی ہوں
آنکھوں کی سرخ لہر ہے موجِ سپردگی
یہ کیا ضروری ہے کہ اب شہنائیاں بھی ہوں

زندگی کیا ہے۔۔۔

زندگی صرف ایک خالی کینوس ہے۔۔۔اس پر کوئی بھی رنگ ابھارا جا سکتا ہے۔۔۔کچھ رنگ مدھم ہوتے ہیں کچھ گہرے۔۔۔ گہرے نقوش مشکل سے اترتے ہیں۔۔ زندگی کے کینوس پر اگر رنگ بے ترتیبی سے پینٹ کیے جائیں، تو رنگ آپس میں الجھ جاتے ہیں۔۔۔ایک ذہین مصور انہی رنگوں کا استعمال کرتے ہوۓ ایک حسیں تصویر بنا ڈالتا ہے، جب کہ ایک اناڑی شخص رنگوں کو مزید الجھا دیتا ہے۔۔۔